Verdiar

Me seier at me har ein draum om at alle ungdommar skal koma til tru på Jesus og bli frimodige etterfylgjarar av han. Uansett kven du kjem i kontakt med i menigheten, så vil folk seie det same. Då treng me å vite noko meir om korleis det ser ut i praksis. Og for å hjelpe oss med det, har me verdiar. Det eigenskapar me vil skal prege oss som menighet, som einskildpersonar og i huskyrkjene, i tenestegrupper, i konfirmantarbeidet og på Fokus-gudstenestene våre..

Verdiane er vår personlegdom. Og menigheten sin personlegdom kan oppsummerast med følgjande fem ord. At vi er: evangeliserande, tilbedande, tenande, utrustande og inkluderande.

Desse orda kan bli forstått på ulik måte, og vi forstår dei slik:

EVANGELISERANDE:
Me vil vere eit fellesskap som har eit bevisst ut-fokus. Me vil forvente at nye menneske kjem til fellesskapet vårt, og me vil at dei skal kjenne seg velkomne der. Me vil be for venene våre, identifisere kva slags folk Gud leiar oss til. Dette er noko vi ønskjer å gjere saman med innfellesskapet vårt i huskyrkja. Me er kalla til å gå saman. Me vil medvite leite etter moglegheiter til å vere ein forskjell for einskildmenneske og bygda vår med praktiske ting for å speile kjærleiken Gud har for oss. Me ønskjer at alle som kjem i kontakt med menigheten på ulike måtar, opplever at orda våre og liva våre er forståelege og ekte. Konfirmantarbeidet er eit viktig satsingsområde, og me er glade for å bruke mykje ressursar i det arbeidet. Heile tida ønskjer me å møte folk fyrst med Jesus sin enorme nåde og raushet. Me trur at Guds kjærleik endrar liv.

TILBEDANDE
Me vil ha Gud som Herre og førsteprioritet i livet vårt. Me ønskjer å vere lydige mot Guds vilje, og ønskjer den hellige Ånd sin innflytelse i livet vårt kvar dag. Me vil ha gudsfrykt, ikkje menneskefrykt. Alle har ein eller fleire nådegavar, og me har ulik utrusting og me ønskjer at alle frimodig ærar Gud med liva sine, akkurat slik dei er og med dei talenta og den lidenskapen dei har. Me gjer den heilage Ande tid når me er saman og gjer han innflytelse i fellesskapet vårt. Musikken er eit utrykk for vår tilbeding når vi er saman som menighet, og me vil gjerne sjå fleire ulike uttrykk for tilbeding i menigheten framover, f.eks. gjennom vårt forhold til materielle ting og pengar. Me trur at me kan tilbe saman og at me kan tilbe aleine. Me gler oss i Herren alltid, og har stor begeistring for Guds namn og Jesus sin person.

UTRUSTANDE
Bibelen er grunnleggjande for oss. Det er ei bok med både kunnskap og liv, og me vil bruke bibelen aktivt i dei ulike gruppene våre. Nådegavane som bibelen skildrar ønskjer vi å identifisera i menigheten. Me vil vere ein stad der folk blir utfordra på ting dei allereie er gode i, og at dei veks i autoritet på nye område. Me vil at dei som har ei teneste jamleg får tilbakemelding på det dei gjer. Som formell leiartrening bruker vi bl.a lifeshapes og disktesten, og dette gjer at vi har eit felles ”korleis gjer vi det”- språk. Gode strukturar som gjer rom til ulike folk og rom til vekst er viktige. Det er viktig at alle har eit innfellesskap, og me gjer det i huskyrkjene. Me vil at alle skal ha ein person eller gruppe der dei opplever at dei kan vere heilt ærlege og bli utfordra og ansvarleggjort på livet sitt. Me ønskjer å vere medvitne på å gjere disiplar og at ein veit kven ein disippelgjer. Me trur at når me brukar tid på det vi er kalla til, saman med gode folk, vil me erfara mykje glede og latter. Me vil gje plass til det morosame og køddete i menigheten.

TENANDE
Å tene handlar om ei haldning kvar dag, og ikkje om å ha ei teneste. Me ønskjer å tene kvarandre og å finne ulike måtar å gjere det på. Me vil sette andre før oss sjølv og følgje Jesus eksempel i løfte folk fram og tene dei. Me ønskjer eit klima der vi leiter etter det gode i andre, der vi skryter av kvarandre og gler oss over det gode som skjer i andre sitt liv. Me ønskjer å vere forplikta og engasjerte i dei konkrete tenestene våre.

INKLUDERANDE
Me ønskjer at fleire ungdommar skal vere ein del av fellesskapet, og me vil at dei skal kjenne at dei er velkomne. Me vil invitere med oss nye inn i liva våre, og vil ha eit klima der vi ler mykje saman. Me ønskjer ikkje berre bekjentskap, men vennskap. Me vil vere eit fellesskap som ber for kvarandre, og som er tilstades for kvarandre når det nokon erfarer triste ting og når det skjer gledelege ting. Det er viktig å sjå kvarandre og det er eit ansvar vi alle deler. Me ønskjer flest mogleg med i huskyrkjene for å erfara eit fellesskap av ulike folk som går i same retning. Å vere inkluderande handlar òg om å vere ein kyrkjelyd der det er plass til alle når ein tenker på ulik klesstil, forskjellig musikksmak, dei med fysiske og andre handikapp, eller dei med små ressursar. Me vil bruke tid saman.